Оила – муқаддастарин рукни ҷомеа ва давлат
Дата публикации: .
Имрўз дар Сарраёсати Агентии омори назди Президенти Ҷумҳурии Тоҷикистон дар вилояти Сугд рўзи ягонаи ахбори сиёсӣ бахшида ба Рӯзи оила дар мавзӯи “Оила – муқаддастарин рукни ҷомеа ва давлат” баргузор гардид.
Маводи хониши сиёсӣ аз ҷониби сардори Раёсати ҷамъбасту таҳлили иқтисодӣ, омори иҷтимоӣ, молия ва бақайдгирии корхонаҳои Сарраёсат қироат гардида, баъди шунидани он кормандон оид ба мавзӯи мазкур фикру андешаҳои худро баён намуданд.
Зимни чорабини аз ҷониби сардори Сарраёсат қайд карда шуд, ки имрӯз сиёсати пешгирифтаи давлату Ҳукумат дар мадди аввал тифоқи оила мебошад. Чуноне, ки дар ин бора Сарвари давлат муҳтарам Эмомалӣ Раҳмон таъкид доштаанд: “Азбаски давлат кафили оромӣ ва амнияти шаҳрвандон мебошад, наметавонад ва ҳақ ҳам надорад, ки мушкилот ва равандҳои ҳам барои оила ва ҳам барои ҷомеа хатарнокро ба ҳоли худ гузорад ва барои ҳаллу фасл кардани онҳо тадбирҳои имконпазир наандешад.”
Оила аз давру замонҳои қадим дар масири таърих ҳамчун пойдевори ҷамъият буд ва мемонад. Фазои мусоид барои ба камолрасии фарзандон танҳо дар муҳити хонаводагӣ буда метавонад. Имрӯз ҳарчанд мо бо ҷаҳон худро пайвастем, рушд мекунем, вале тақдири ояндаи оила ва фарзандони худро набояд фаромӯш созем. Ҳар кореро анҷом медиҳем бояд ба хотири оила, фардои оила ва манфиати оила анҷом дода шавад.
Дар интиҳо сардори Сарраёсат аҳли кормандонро бо Якуми Май – Иди якдилии меҳнаткашон ва Рӯзи оила табрику таҳният намуда, ба њар яки онҳо тани сиҳат, зиндагии орому осуда, хонаи обод, файзу баракат ва ризқу рӯзии фаровон орзу намуд.
Ҷамъомад оиди иҷрои барқияи таъҷилии Агентии омори назди Президенти Ҷумҳурии Тоҷикистон
Дата публикации: .
Имрӯз дар Сарраёсати Агентии омори назди Президенти Ҷумҳурии Тоҷикистон дар вилояти Суғд дар асоси барқияи таъҷилии Агентии омори назди Президенти Ҷумҳурии Тоҷикистон аз 2 апрели соли 2024, №65, ки дар асоси барқияи ҳукуматӣ аз 15 марти соли 2024 оид ба расонидани мазмуну муҳтавои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 9 марти соли 2024 дар “Кохи Ваҳдат” дар арафаи моҳи шарифи Рамазон бо масъулини мақомоти марказӣ ва ҳокимияти давлатӣ, намояндагони фаъоли аҳли ҷомеа, олимон ва ходимони дин мулоқот намуданд, ҷамъомад баргузор гардид.
Муфассал...
Рӯзи Модар муборак!
Дата публикации: .
Соли нави мелодии 2024 муборак!
Дата публикации: .
ЭЪЛОН!
Дата публикации: .
Бо мақсади муайян намудани сатҳи зиндагии аҳолӣ, ҳамасола аз тарафи Агентии омори назди Президенти Ҷумҳурии Тоҷикистон дар тамоми минтақаҳои ҷумҳурӣ таҳқиқоти интихобии буҷети хонаводаҳо гузаронида мешавад.
Бинобар ин, ба маълумоти шаҳрвандон расонида мешавад, ки тибқи талаботи Кодекси андоз хонаводаҳо танҳо барои амвол ва замини наздиҳавлигии дар ихтиёрашонбуда андозбандӣ карда мешавад. Аммо барои дигар молу амволи шахсии дар ихтиёрдошта, аз ҷумла ҳамагуна чорво (чорвои калони шохдор, қутосҳо, гӯсфанду буз, асп ва ғ.) ва паррандаҳои дар моликияти шахсии хонаводабуда андозбандӣ карда намешаванд ва маълумотҳои мазкур танҳо бо мақсади таъмини шаффофияти маълумотҳои оморӣ ҷамъоварӣ карда мешаванд.
Агентии омори назди
Президенти Ҷумҳурии Тоҷикистон
