Маҷлиси ҳисоботии Сарраёсати омор баргузор гардид

2Дар маҷлисгоҳи Сарраёсати Агентии омори назди Президенти Ҷумҳурии Тоҷикистон дар вилояти Суғд чаласаи ҷамбастии Сарраёсат доир ба натиҷаҳои фаъолияти он дар соли 2018 баргузор гардид.

Дар ҷаласа директори Агентии омори назди Президенти Ҷумҳурии Тоҷикистон Гулнора Ҳасанзода ширкат намуд.

Қабл аз оғози кори ҷаласа Гулнора Ҳасанзода 26 адад компютерҳои замонавӣ аз ҷумла ноутбук ва 7 адада принтерро ба сардорони раёсату шуъбаҳои омори якчанд шаҳру ноҳияҳои вилояти Суғд супорид.

Муфассал...

Базми солинавии кӯдакон дар Сарраёсати омор

Ба истиқболи соли нави мелодӣ бо ташаббуси Иттифоқи касаба ва дастгирии роҳбарияти Сарраёсати Агентии омори назди Президенти Ҷумҳурии Тоҷикистон дар вилояти Суғд барои кӯдакону наврасон чорабинии солинавӣ баргузор гардид.

Дар оғози чорабинӣ сардори Сарраёсат Ҳокимбек Накҳатзода иштирокдорони базми солинавиро бо фарорасии соли 2019 табрик намуд.

Дар чорабинӣ бештар аз 100 нафар фарзандони кормандони Сарраёсат ширкат намуда, бо хондану шеъру суруд ва намоиши саҳначаҳои солинавӣ барномаи солинавиро рангин намуданд.

Ба кӯдакон қанду шириниҳо ва тӯҳфаҳои хотиравии солинавӣ супорида шуд.

Бештари кӯчаҳои шаҳри Панҷакент лавҳаю рақамгузорӣ шуданд

Дар шаҳри Панҷакент бо мақсади сари вақт иҷро намудани корҳои омодагӣ ҷиҳати дар сатҳи баланд гузарондани маъракаи барӯйхатгирии аҳолӣ ва фонди манзил, ки соли 2020 дар Ҷумҳурии Тоҷикистон ба нақша гирифта шудааст, Раёсати омори шаҳр корҳои зиёдро ба анҷом расонд.

Ҳангоми сафар ва шиносоӣ аз сатҳи иҷроиши корҳои омодагӣ, гурӯҳи кории Сарраёсати Агентии омори назди Президенти Ҷумҳурии Тоҷикистон дар вилояти Суғд бо роҳбарии сардори Сарраёсат Ҳокимбек Накҳатзода ва раиси маҳалла Шодмонқул Бобоев дар насби лавҳа ва рақамгузории кӯчаҳои маҳаллаи «10 солагии Истиқлолият» шаҳри Панҷакент ширкат намуданд.

Маҳаллаи мазкур аз се кӯча иборат буда, 280 манзили сокинон то имрӯз рақами мушаххаси худро надошт. Давоми ду рӯз кӯчаҳои Самарқандӣ, 10 солагии Истиқлолият ва 50 солагии Тоҷикистон, ҳамчунин гузаргоҳҳои он пурра бо лавҳаю рақами тартибӣ таъмин гардид.

Подробнее...

Атестатсияи кормандони мақомоти омор доир гашт

Дар Сарраёсати Агентии омори назди Президенти Ҷумҳурии Тоҷикистон дар вилояти Суғд атестатсияи кормандони мақомоти омор баргузор гардид.

Комиссияи аттестатсионӣ бо роҳбарии сардори Сарраёсати Агентии омори назди Президенти Ҷумҳурии Тоҷикистон дар вилояти Суғд Ҳокимбек Накҳатзода ва иштироки сардори Шӯъбаи кадрҳо ва корҳои махсуси Агентии омори назди Президенти Ҷумҳурии Тоҷикистон Амиршо Комилов, намояндаи ваколатдори Раёсати Агентии хизмати давлатии назди Президенти Ҷумҳурии Тоҷикистон дар вилояти Суғд Қадриддин Сулаймонов, сатҳи касбӣ ва маърифати ҳуқуқии кормандонро санҷиданд.

Дар атестатсия 25 нафар кормандони мақомоти омори аз шаҳру ноҳияҳои Панҷакент, Айнӣ, Шаҳристон, Истаравшан, Спистамен, Ҷ.Расулов, Б. Ғафуров, Ашт, Гулистон ва Мастчоҳ ширкат намуданд.

Муфассал...

Боздиди гурӯҳи корӣ аз рафти корҳои омодагии барӯйхатгирӣ

Ҳайати кории Сарраёсати Агентии омори назди Президенти Ҷумҳурии Тоҷикистон дар вилояти Суғд бо рафти корҳои омодагии барӯйхатгирии аҳолӣ ва фонди манзил дар ноҳияҳои Зафаробод ва Деваштиҷ ошно гаштанд.

Сокинони деҳаи “Сарибоғ”-и Ҷамоати ба номи А.Ҷомӣ дар ноҳияи Зафаробод барои сари вақт гузоштани лавҳа ва рақами манзили худ бо кормандони мақомоти омори ноҳия ҳамкорӣ намуда кӯмаки худро мерасонанд. Деҳаи мазкур аз 2 кӯча ва 135 ҳавлӣ ва 392 нафар аҳолӣ   иборат аст.   Дар ҷамоати мазкур 39 кӯча мавҷуд буда масъулин ният доранд, то интиҳои соли равон дар тамоми кӯчаю маҳаллаи ҷамоат корҳои лавҳанасбкунӣ ва рақамгузориро пурра ба анҷом расонанд. Ҷараёни корҳо дар ҷамоати дигари ноҳия,- Ҷамоати шаҳраки ба номи Ҳамид Алиев   низ дар сатҳи баландӣ ташкилӣ ва иҷроиш идома дорад. Ҳоло дар 49 кӯчаи шахрак 11,125 нафар аҳолӣ буда, шумораи манзили онҳо   1748 ададро ташкил медиҳад. То имрӯз дар шаҳрак 80% кӯчаю хонаи бошандагони он лавҳа ва рақамгузорӣ шудааст.

Муфассал...